giovedì 21 settembre 2017
| Login
          
 
scrivi




Invia

 

Miôr curte: presentazion dall’album

Ogni robe ca ti po capità ta vite, sa dure poc a e miôr: sa è une robe brute …. parceche a è brute, sa è biele….. parceche ogni biel bal al stufe; cussì al è nassût il CD "Miôr curte, cjançons in mancul di 3 minûts" e dutes la cjançons, pûr durant cussì poc, a an un argoment e un rangjament completamentri difarent une da che ate. Par l'autôr la plui grande sodisfazion a sarès di fales cjantà da int sot la doce la matine, o tai moments di relax come sa fossin normâls cjançons italianes o ingleses. Las peraules e las musiches origjinai a son stades scrites da Aldo Rossi cul furlan di Plan Darte misclicjât. I argoments tratàs a son chei da vite di ogni di o da tradizion furlane e di seguit i fasin une piçule descrizion dai argoments:

   

Copert2.0.jpg

 


 

Crazy bob: sigle uficiâl da cuinte edizion da manifestazion "Crazy bob" sul Zoncolan dal 10 al 12 di Març 2006; scrite in inglês e furlan colpe la globalizazion;

Download: cjançon ispirade da ducj i navigadôrs Furlans ator pe ret, ingredeâts tra file, servers e conessions;

Meteo Triestin: la querelle tra Triestins e Furlans a passe par il meteo regjonâl dal Giornale radio das 7 e 20 da matine; divertent;-))

Tvb tvb: storie d'amôr tra adolessents via messagins sms e come dut chel ca riguarde i adolessents une piçule tragjedie; intense :-p

Cjalde che sere: la sere dal 6 Mai 1976 tai voi di doi frutàs che che sere a erin a morosà a tor par Glemone; il teremot come no tu lu vorès mai imagjinât;

Il mal dal madon: la storie di un furlan colpît da "ataviche" malatie dal furlan, la voe di madon e di vuleisi fa la cjase; divertent;-))
Frico: cjançon ca plas veramenti a ducj e ca propon une nove ricete pal frico: dopo chel friabil e chel morbit, ecco il frico cun la.....;-))

Stude la lus: fa l'amôr, une das pocjis robis che al è miôr ca no setin curtes encje par no fa brutes figures; sensuâl e al stes timp romantiche

Nouvelle cuisine: met un furlan a cene in un locâl di cusine francese e il risultât lu scoltais ta cjançon; da une storie realmente sucedude:-)

Code: storie di un tipo rabiôs par vei fat pasà denant une tipe in code che dopo i tire il pac... e ce pac di chei ca brusjin; rabiose:-p

Mi an rapinât: la vere storie dal passaç Lira-Euro jodût traviers il tacuin che al reste simpri vueit cence savei cemût; un grum simpatiche;-)) 

I agns pasaz: bonus track lungje, cun pinsîrs ca cirin tai agns pasaz la fuarce par frontà il doman; un grum difarent da che ates


 

Credits:

 

Pensât, scrit, metût adun, mixat e prodot da Aldo Rossi tra il Zenâr 2003 e il Jugn 2005, "Crazy bob" e "Download" tra Nadal 2005 e Zenar 2006. Ducj i struments e i computers son stas sunâts e programâts da Aldo Rossi e encje il mastering fat a Tumieç. Las peraules e las musiches origjinai a son stades scrites da Aldo Rossi. Las fotografies a son di Luca D'Agostino. Design dal CD di Igor Tullio.

 

Aldo Rossi al vûl ringrazià: Silvia e Francesco pa soportazion; Rudy Selenati: par dut ce cal sa lui e par vêmi dât l'idee da cjançon "Nouvell Cousine" (mai scometi cun lui); Luca d'Agostino: al à fat meracui (visto il soggetto da fotografare); Pamela: la parone da cotule (e dal sot cotule) in copertine; Igor Tullio: par vei sistemât la grafiche dal CD e encje un poc las mes idees in materie; grazie a Tullio Durigon pa delicatece cal à tal presentà la mes cjançons; Monica Tallone: ce furtune veti incontrade.

 

 

          
 
Home  |  Il Blog di Aldo  |  Aldo su MySpace  |  CD "Mior curte" 2006  |  CD "Furlan" 2008  |  Foto  |  An dit i miei amis  |  Come acquistare i CD  |  Aldo su YouTube  |  Bio su Wiki  |  Fan Club di Aldo  |  Spettacolo live di Aldo Rossi  |  Discografia  |  Scarica le canzoni dal web

Copyright (c) Aldo Rossi 2005-2012
DotNetNuke® is copyright 2002-2017 by DotNetNuke Corporation